राप्तीका आठ नमुना विद्यालय

प्रदेश टुडे
दाङ, १७ साउन । शिक्षा, विज्ञान तथा प्रविधि मन्त्रालयले आगामी वर्षका लागि साविकको राप्तीबाट आठवटा विद्यालयलाई नमुना विद्यालयका रूपमा छनौट गरेको छ ।

सबै स्थानीय तहमा नमुना विद्यालय विकास गर्ने उद्देश्य अनुसार शिक्षा विज्ञान तथा प्रविधि मन्त्रालयले देशभरबाट छनौट गरेका एक सय विद्यालयमध्ये दाङसहित रोल्पा, रूकुम, प्यूठान र सल्यानका आठवटा विद्यालय नमुना विकास विद्यालयको सूचिमा परेका हुन् ।

जसमध्ये दाङको दंगीशरण गाउँपालिका–३ मा रहेको वीरेन्द्र माध्यमिक विद्यालय, सल्यानको कपुरकोट गाउँपालिका–५ मा रहेको जीवन ज्योति माध्यमिक विद्यालय, रूकुम पूर्वको भूमे गाउँपालिका–९ मा रहेको नेपाल राष्ट्रिय माध्यमिक विद्यालय, रूकुम पश्चिमको छिवाङ नगरपालिकामा रहेको महेन्द्र माध्यमिक विद्यालय रहेका छन् ।

त्यस्तै रोल्पाको सुनिल स्मृति गाउँपालिका–२ मा रहेको त्रिपुरेश्वरी माध्यमिक विद्यालय, त्रिवेणी गाउँपालिका–५ मा रहेको जनजागृति माध्यमिक विद्यालय, प्यूठानको माण्डवी गाउँपालिका–३ मा रहेको माण्डवी माध्यमिक विद्यालय र स्वर्गद्वारी नगरपालिकामा रहेको अमर माध्यमिक विद्यालय रहेका छन्।

नमुना विकासका लागि छनौटमा परेका विद्यालयले प्रति विद्यालयको भौतिक र शैक्षिक सुधारका लागि १ करोड ५० लाख रूपैयाँ पाउने भएका छन् ।