फलफूल वितरण

प्रदेश टुडे
तुलसीपुर, २९ साउन । नेपाली कांग्रेसको भातृ संगठन नेपाल तरूण दल तुलसीपुर इकाई कार्यसमितिले फलफूल वितरण गरेको छ । बुधबार अन्तर्राष्ट्रिय युवा दिवसका अवसरमा तुलसीपुर उपमहानगरपालिका वडा नम्बर ५ को कार्यसमितिले राप्ती प्रादेशिक अस्पतालमा फलफूल वितरण गरेको हो ।

इकाई कार्यसमिति अध्यक्ष जिवी घर्तीमगरको अध्यक्षता एवं नेपाली कांग्रेस दाङका जिल्ला सभापति किर्तिबहादुर खड्काको प्रमुख आतिथ्यतामा अस्पतालमा रहेका ५५ जना बिरामीहरूलाई फलफूल, फ्रुटी र पानी वितरण गरिएको हो ।

कार्यक्रममा संविधानसभा सदस्य बुद्धिराम भण्डारी, नेपाली कांग्रेसका नेता गेहेन्द्र गिरी, तरूण दल जिल्ला अध्यक्ष टिका घर्ती, तरूण दल जिल्ला सदस्य आशाराम नेपाली, नेपाल दलित संघ जिल्ला सहसचिव खेमराज विक, नेपाली कांग्रेसका पूर्व जिल्ला सदस्य नारायण शर्मा, नेपाल विद्यार्थी संघ जिल्ला सदस्य किरण केसी, अस्पताल व्यवस्थापन समितिका अध्यक्ष पदम न्यौपाने लगायतले युवाहरूले सधै सकारात्मक सोंच राख्न जरूरी रहेको बताए ।

उनीहरूले हरेक लोकतान्त्रिक आन्दोलनमा युवाहरूको भूमिका महत्वपूर्ण रहेको भन्दै युवाहरू थप सामाजिक उत्तरदायी बन्नुपर्ने बताए । अहिलेको कम्युनिष्ट सरकार भ्रष्टाचार, अनियमितताजस्ता गतिविधिहरूमा लिप्त भएको उनीहरूले आरोप लगाए । मुलुकको विकासका लागि अब युवाहरू खरो रूपमा उत्रिएर लाग्न अनुरोधसमेत गरेका थिए । कार्यक्रमको सहजीकरण नेपाल तरूण दल जिल्ला सचिव ध्रुव आचार्यले गरेका थिए ।